Uwi u bru wa lait jamin da chah kem u ha Delhi ha ka sngi Thohdieñ hadien wa thmu u wow tynyap ya ka bru wa pynbaad wa slaitbor u ka. Uni u bru wa tip kam u Abuzair Safi (30 snem) da chah kem u hadien wa siat u ya kani ka bru ha rupai katwa dang chong ko hapoh ka Autorickshaw ha ka 30 tarik u Naiynñiaw uni u snem.
Kani ka bru da ujor ko wa chah slaitbor ko ha u Safi ha u 2024 heiwa oo wa u lok u, u Aman Sukhla da chah kem ki wei u Safi da lait jamin u ha u Naiynñiaw uni u snem.
Ka Police Control Room (PCR) da yoh Phone ko heipor 9:49 i miet ka 30 tarik wa em i siat Pistol wei da lai ki cha ini i thaw heiwa da yachem ki wa uwa yah Autorickshaw, u Ranjeet Yadav uwa da pyntip wa da chah siat kawi ka bru wei da kit ya ka cha AIIMS Trauma Centre da ka kari pulit.
Kani ka bru kawa da embhah wow lait nei mynsoor joor, da pyntip ko wa heipor wa dang lai luti ko da ka Auto, da wan ar ngut da ka thuk-thuk wei uwi toh u Abuzair Safi uwa da siat ka na rupai, da pyntip u DCP (South West), u Amit Goel.
Neiliang ki pulit da Register ki ya ka Case hapoh ka Section 109(1) (Attempted Murder) wa ka 3(5) (Common Intent) ka Bharatiya Nyaya Sanhita wa ka Arms Act.
Hei takit da chem wa uwi wa emlang ha ka thuk-thuk toh u Sukhla wei da kem oo ha ka 31 tarik wei da chem leh ya ka thuk-thuk wa pynemkaam ki katwa ya u Safi da kem ha ka 1 tarik uni bnai wei da chem leh ya ka Pistol wa pynemkaam u.
Ki pulit da chem ki wa u Safi hadien wa lait jamin u da pyrchang u wow kynjoh ktien wei wow Phone cha kani ka kynthai tangwa ym bien ko iwa da pynchrai ya oo hadooh wa lai siat u ka.
Discussion about this post