Kamwa 200 ngut ki chipai ka Indo Tibetan Border Police (ITBP) da chah hikai ki wow klam yei ktien Mandarin (ktien China) khnang wow ye ki u yaklam wa ki chipai ka China lada em iwon iwon i kajia mo i tynjooh bor hapyrdi ki ar ri.
U Director-General ka ITBP, u Surjeet Singh Deswal, ha ka sngi lyngkhooh snem wa 58 kani ka chnat chipai da ong u wa da sikai ya palat 200 ngut wow sñiawthooh wei wow tip ki u klam ya kani ka ktien.
Da ong u leh wa deiwa leh kamni daw ye u pynduna yei sñiawthooh bakla lada em i yaklam hawa em i kajia ha khappood.
Chooh chooh da ong u wa kani ka chnat chipai da chakri ko palat 57 snem wei man ko leh kam kiwi ki chnat wei da biang lut ki tiar wa dawa wow pynemkaam ko.
Kani ka chnat em ko palat 90,000 ngut ki chipai wei da sdang ya ka ha u 1962 hadien wa hiar thma ka China ya ka India wei katni sonteri ko ya u pood wa 3,488 km uwa tip leh kam u Line of Actual Control wa ka China.
Discussion about this post