Jowai: Ka Committee wa da thung daka Jaiñtia Hills Autonomous District Council (JHADC) wow thooh bniah ya ka rukom thungkaam sop sop hapoh ka Council daka Executive Committee wa rim kawa man pyrchah yaka Council Service Rule 1981, da kut ko nadooh ka 31-07-19 tangwa hadooh katni katai ka Committee ym pu ye ko u e yaka bui (Report) cha ka Council wei da paan por biang sa ar tayaw wow pyndep yaka takit.
Kam wow pynkynmoo wa neiliang ka HYC Jaintia Hills ka HNYF West Jaintia Zone wa ka seiñ wa yakhun pyrchah yei baamsap kawa tip kam ka Fight Against Corruption Team (FACT) da dep ki wow e dorkhat nadooh u Naiynru 2019 wow pyndam noh ya waroh ki 56 ngut ki wakreh hapoh ka Council kiwa thung pyrchah aiñ katkam ki kyndon ka Service Rule ka Council.
Neiliang kiwa yahkhmat yong kitai ki seiñ kiwa kynthup ya u Mewot-hi Suchiang u President ka HYC-JHD, u Convenor ka FACT u WN Dkhar wa u H Sutong President ka HNYF-WJZ da ong ki wa hadein wa ki da thooh bniah ki yei yong sakhiat hawa yatoh wa i pynslem wow pyndep yaka Report toh ki buit yong ki kattu katni ngut ki sahep wa emkti lang ha katai ka kaam sop sop neidaw i myntoi ki bru yong ki wei ka Council toh ka yong ki wow leh katwa hun ki tangwa neiliang yong ki seiñ u yang ki ya ka ar tayaw deiwa pynkhreh yaka Public Interest Litigation pyrchah yaka Selection Committee kiwa pynlai yaka Interview ha itu i por kiwa leh thlah ki wym pait yaka Council Service Rules 1981.
Also Read: Dang takit ka AEC hajrong i thungkreh ya ki 56 ngut ha JHADC: CEM
Discussion about this post