Ynne ka sngi da pynman ya ka Attestation Parade namo i pdiang ya ki 69 ngut kiwa da smai ki wow man kam ki chipai ka Assam Regiment ha ka Parson Parade Ground, Assam Regimental Centre, Happy Valley, Shillong.
Ya kani ka parade da wan sakhi da u General Officer Commanding 101 Area wei da pynman ya ka deiwa bood ya ki kyndon wow yada na u COVID-19.
Hawa e yei klam neiliang u Reviewing Officer da pynchlur u ya kini ki chipai wow chakri ya ka ri wei da khana u leh ya kiwa da leh ka Assam Regiment neibynta ka thaaiñ mihsngi wa ka ri hi waroh kawi.
