Sngah biang u Mukul ya ka MDA hajrong i wan pynde u GS warim ka HNLC

Shillong: Ka Congress da sngah biang ko ya ka sorkar Meghalaya Democratic Alliance (MDA) hajrong i wym klam che ya ka yurim wa yieñ ko hadien wa wan pyndem u General Secretary warim ka seiñ Hynniewtrep National Liberation Council (HNLC) u Cherishsterfield Thangkhiew.

Hawa yaklam wa kiwa pathai khubor ynne ka sngi, uwa yahkhmat ka liang pyrchah u Dr. Mukul Sangma da syllaad u yei klam u Montri Rangbah u Conrad K Sangma wa ympu tip bniah hajrong i wan pyndem u General Secretary warim ka HNLC, deiwa ong wa ini pynyoo i wa ka sorkar ym em yurim ko deiwa che wot u Montri Rangbah uwa pait ya ka Political Department ym tip bniah u hajrong ini i kaam.

Da ong u wa u Conrad da chah kyntait u charood ha ki para montri yong oo neibhah ymtip u iwon iwon wei ymche ware yei daw wa wan pyndem u GS warim ka HNLC.

U Mukul da ong u leh wa ka sorkar MUA wa dadep leh khut ko ya ki dkhot ki seiñ kieñ suloi wow wan pyndem ki wei wow chim kabu ya ki scheme sorkar wa da pynkhreh, da pyntip u wa ka sorkar Congress ym em maap ko ya ki kaam pyrchah aiñ ki bru han lada wan pyndem wait ki hadooh katni. U Mukul da ong u wa kani ka sorkar leh ymtoh u maap ya kiwon kiwon ki dkhot seiñ kiwa wan pyndem khamtam ki kaam sih wa chyrkhei wa da leh ki.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heiyatoh wa i kam u heh warim ka HNLC wa ym em wan pyndem u tangwa da chong-ngiah u, neiliang u Dr Mukul da beiñ u yeini i kam wa chong-ngiah deiwa kylli leh wa ym em wanrah u ya ki tiar yaleh heipor wa wan pyndem u.