Ka KSU Lumshnong Unit ynne ka sngi da pynman ko yei thung dieñ kam chibynta wow ya ksohkti lang waka pyrthai wow pynemwarom ya ka sngi wa kyrpang yow pynneh pynsah rymaw namo ka World Environment Day.
Ka seiñ da pynsñiaw ko yei sñiawkhia wa khroo wa ka chnong da man sakhiat ko kawa da em hei maa heiwa ka soodong sookun ym em de skem wei da emkaam bha wow pynman yei pynsñiawthooh paidbah khnang wa ki paidbah wa chong chnong u sñiawthooh ki yei kordor ka rymaw.
Ka kyrwoh naka seiñ da ong ko leh wa lada kyruiñ cha soodong ka chnong Lumshnong da yoo dooh kyrmen, nadooh i takha, i syllen ka rymaw wei mynnu u tymmoh biang sa chisien dei yirngam. Kamtæ da ong wa toh u sñiawngooh wa ka rymaw wa da e sñiawbha da u Blai ya u bru, wei toh u sumaar ya ka.
Kamtæ da ong wa ka rymaw toh neibynta u bru ym toh u bru neibynta ka rymaw. Ka rymaw daw neh ko khlem u bru tangwa u bru ym ye wow im khlem ko.
Ka seiñ hapoh i yahkhmat u President, u Deibormi Dkhar, kiwa kitkaam deilang wa ki dkhot da mih ki wow lai thung dieñ hanla pynthut u slap.
Ka Wyrta na u Yooni G Muksor, General Secretary KSU Lumshnong Unit.
