• About Us
  • Contact Us
  • Privacy Policy
  • Advertise With Us
  • Terms & Conditions
Wednesday, May 14, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Politics

Sñiaw rem ka Mynsngat- Khanduli Development Committee (MKDC) yei chah pynbaad ka Nartiang Constituency ha u MDC

Wyrta Staff by Wyrta Staff
April 26, 2019
Reading Time: 4 mins read
A A
0
Share on FacebookShare on Twitter

Jowai: Ka Mynsngat-Khanduli Development Committee (MKDC), kawi na ki seiñ kawa pait ya ka roi ka paar wa ka bha ka miat yong ka thaaiñ Nartiang waroh kawi, ha ka yalang kawa wa pynman ha ka 18-04-2019 ka da chong pyrkhat ko yei mih khubor kawa pynbaad ka Nartiang Constituency toh kawa chah ieh beiñ tam ha ka roi ka paar ka chait ka khiah. Ka seiñ da ong ko wa sñiaw rem ko wow yoo wa mih kam kini ki khubor hanlada da yoo wa da em i kylla hapoh ka Constituency ha kini ki san snem wa da dep nadooh wa yoh ya u Sñiawbhalang Dhar kam u MLA.

Kani ka seiñ da ong ko wa ha ki snem wa da dep kani ka Constituency man ko kawa sahdien tam ha waroh ki liang khamtam ha ka lai ka wan, heiwa da em du uwi u sarok psiang na Ummulong chadooh Khanduli, katwa cha ki dong ki chnat wa ki chnong khamtam ka Namdong A, Tamu, Sanaro, Thadmynri Moobakhon (sarok chnong) ter ter, ye ym sarok, kiwa chong chnong hap ki wow lai na ktieh khamtam ha ki por Lyiur wei nadooh u snem 2013 chaneiñ hapoh i yahkhmat u MLA (S. Dhar) da pynyoh syndon ya i thrang yong kiwa chong chnong da u sarok psiang cha waroh ki chnong wa ki dong waphær waphær lait noh sa du ki kattu katni ki chnong wa dang em ha i dang pynkrehkaam (Work under Progress) tang hapoh kamwa 3 snem nadooh wa yoh yei jop.

Heiyatoh won wa ka Namdong PHC wa ki Sub- Centre, ka seiñ da pyntip ko wa da yahcem ya u MLA wa ki heh yong ka Department kiwa da kular wow chim khia wow pynbha chooh chooh ya i emkaam yong ka PHC wei daw pynku cha ka CHC.

Hajrong ka C&RD Block Namdong da yaklam ka seiñ wa u MLA uwa da pyntip waka Block Namdong toh kawa da em pyrtuid wow yoh man kam ka Block tangwa ym ye ka sorkar wow leh ya ini neidaw wa duna poisa.

Related posts

Voice of the People Party (VPP)

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Kamtæ ka MKDC (Mynsngat-Khanduli Development Committee) ka beiñ joor ko hajrong i pynmih khubor wym em yurim yong u MDC ka 10-Mynsngat-Khanduli u Dawan Lyngdoh.

Ka MKDC ka kyntu ko ya kiwa chong chnong yong ka Nartiang Constituency wow man ki kiwa stat wei wym toh u ngait biej ya kam kani ka thoh wa pyndooh burom ya ka Constituency du neidaw yow yoh myntoi samen haka kaam Politics.

Ka MKDC da khut da wer ko ya ki paaid chynrang wa kynthai, ki bru wa paw khmat kani ka Constituency kamjooh ya u MDC (wa dang chah jeid) wow ya krehlang khnang wa u yoh ya ka roi ka paar haka Constituency wei ym toh du wow ood ha ki kot khubor neibhah iwa leh da ki kaam rap thai ko bar ya ki ktien da ong ka kyrwoh wa phah lyngba u Publicity Secretary ka seiñ u Embhahlang Sariang.

Also Read: Ka Nartiang Constituency toh kawa chah iehbeiñ hei roi i paar i puræ puthi i chait i khiah wa ki Bank: Dawan Lyngdoh

ShareTweetSendShare
Previous Post

Ya ka ILP da toh u pynkrehkaam nadooh wa yoh ya ka jylla: Sanbor Shullai

Next Post

Sdang knieh ki baar jylla ya ki thaw chong dai ki tre ri ha Jowai: AHPUF

Next Post

Sdang knieh ki baar jylla ya ki thaw chong dai ki tre ri ha Jowai: AHPUF

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar