Shillong: Hei yaklam wa kiwa pathai khubor hadien wa dadep thap pyrtuid kam u kyrtong ka Congress na 20-Mylliem Constituency ynnin, u Ronnie V Lyngdoh da pynbaad u wa ka Executive Committee (EC) wa yahkhmat da u Chief Executive Member (CEM) u Pynshngain N Syiem ympu ye ko tang wow pynmih i pynbna (notification) neibynta wow chna noh ya ka Committee wow pait yei chna yung cha baar i thaw yong ka Municipal wei ini wanrah ko i doohnong ya ki paidbah.
U Ronnie da ong u wa ka sorkar haka yalang waka KHADC da ebor ko wow chna ya ka Committee wow pait yei rukom chna ya ki yung ki sem cha baar ki thaw ka Municipal tangwa hadooh katni u CEM ymem leh u yi yi, heiwa da klam pathan u wow pynmiat ya ka jaitbru hawa tang wow pynmih i pynbna leh ympu ye u.
Ha iwi won i liang, u Ronnie da kam u wa ki kaam wada kreh u ha kini ki san snem da pynchaniah ki ya ki paidbah wei wow e biang ki i kyrchaan ya oo ha kani ka kynti.
Na Mylliem ki wow yakhun pyrchah ya u Ronnie kynthup ki ya ka Teilinia Thangkhiew naka HSPDP, u Hamletson Dohling naka PDF wa kiwi kiwi.
Hajrong i yut kiwa yahkhmat naka party, u Ronnie da ong u wa kitu ki MLA ka Congress heipor wa dang em ki ha ka chuki yaroh bha ki ya u Montri Rangbah tangwa manda haap chuki tæ klam pyrchah won ki wei ini pynyoo wa ki toh kiwa kwah wow myntoi samen.
Discussion about this post