Ka 3rd Sniawbhalang Football Tournament kawa da pynman ha Wahiajer da pteiñ ya ka ynne ka sngi deiwa pynman so tylli ki yalehke.
Ha ka yalehke wa nyngkong, ka Moorap da jop ko da ka Walk Over yaka Lumkya.
Ha ka yalehke wa ar, ka Tamu da jop ko yaka Nongrim Bamthong da 1-0 da ka kool wa thap u Vishielki Phawa haka minit wa 40.
Ha ka yalehke wa le, ka Namdong-B da jop ko yaka Mookbu da 2-1. Ya ki kool ka Namdong-B da thap da u Leimiki Dkhar haka minit wa 46 wa 50 katwa yaka Mookbu da thap da u Yoobiang Biam haka minit wa 27.
Ha ka yalehke wa soo, ka Umbluh da jop ko yaka Pdieniadaw da 2-1. Ya ki kool ka Umbluh da thap da u Mihlang Mynsong haka minit wa 2 wa u Rijied Myrboh haka minit wa 12 katwa yaka Pdieniadaw da thap da u Protis Pakma haka minit wa 25.
Ki yalehke mynstep u pynman biang soo tylli heiwa daw sdang heipor 8:30 i step hapyrdi ka Ummulong waka Mupliang, heipor 10:30 i step ka Myngkrem u yachem ko waka Lad Myngor, heipor 12:30 pyrdi sngi won ka Saitsama u yachem ko waka Khonsaro wei daw pynkut heipor 2:30 i sngi hapyrdi ka Kremmyrsiang waka Lumlakhiat.
Discussion about this post