Sniawbhalang Football Tournament: Jop ka Myngkrem, ka Nongkhroh waka Moobakhon

Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa khad-san ynne deiwa pynman biang soo tylli ki yalehke.

Ha ka yalehke wa nyngkong, ka Myngkrem da jop ko yaka Mooker da 3-0 lyngba ki kool wa thap u Dalamsarki Lapasam haka minit wa 1 wa 54 wa u Daroi Khynriam haka minit wa 6.

Ka yalehke wa ar da kut ko da 1-1 hapyrdi ka Mookjat waka Pdieniadaw. Ya ka Mookjat da thap da u Khienlang Rymbai haka minit wa 4 katwa yaka Pdieniadaw da thap da u Dinesmiki Suchen haka minit wa 7.

Ha ka yalehke wa le da jop ka Nongkhroh yaka Maskut da 3-0 da ki kool wa thap da u Deciderius Pyrtuh haka minit wa 5 wa 33 wa u Pyndaplang Myrboh haka minit wa 8.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ha ka yalehke wa soo, ka Moobakhon da jop ko lyngba ka Walk Over yaka Myngor.

Mynstep ki yalehke u sdang biang ki heipor 8:30 i step hapyrdi ka Mukoh waka Sanaro, neitæ heipor 10:30 ka Lapangap u yachem ko waka Thadmynri, heipor 12:30 pyrdi sngi won, ka Wahiajer u yachem ko waka Mynsngat wei daw pynkut da ka Umladang waka Myrjai heipor 2:30 i sngi.