Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa ynñiaw ynne deiwa pynman biang soo tylli ki yalehke.
Ha ka yalehke wa nyngkong, ka Namdong-B da jop ko yaka Madanrtiang da 1-0 lyngba ka kool wa thap u Edumon Dkhar haka minit wa 58.
Ha ka yalehke wa ar, ka Moobakhon da jop ko yaka Mukroh da 2-0 da ki kool wa thap u Roplin Ramut haka minit wa 25 wa u Lad Dkhar haka minit wa 35.
Ka yalehke wa le da kut ko da 1-1 hapyrdi ka Ladmyngor waka Mooker. Ya ka Mooker da thap kool da u Iaineh Suna haka minit wa 6 katwa ya ka Lad Myngor da thap da u Richard Susngi haka minit wa 33.
Ha ka yalehke wa soo, ka Kremmyrsiang da jop ko yaka Lapangap da 2-0 da ki kool u Rejoy Dkhar haka minit wa 19 wa u Lambun Phawa haka minit wa 60.
Ki yalehke mynstep u pynman biang soo tylli deiwa sdang heipor 8:30 i step hapyrdi ka Nongsutnga waka Takhniang, neitæ heipor 10:30 ka Kdohkule u yachem ko waka Pdieniawmusiang, heipor 12:30 pyrdi sngi won, ka Myngor u yachem ko waka Sanaro wei daw pynkut da ka Namdong-A waka Umjlasiaw heipor 2:30 i sngi.
Discussion about this post