Sniawbhalang Football Tournament: Jop ka Nongkharai, ka Maskut waka Namdong-B

Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa khynde ynne deiwa pynman biang soo tylli ki yalehke.

Ha ka yalehke wa nyngkong, ka Nongkharai da jop ko yaka Mookabeng da 3-0 lyngba ki kool wa thap u Chirup Dkhar haka minit wa 28 wa 70 wa u Boimi Siangshai uwa da thap bakla haka minit wa 59.

Ha ka yalehke wa ar, ka Maskut da jop ko yaka Moodymmai da 1-0 da ka kool wa thap u Nangai Ryngkhlem haka minit wa 7.

Ha ka yalehke wa le, ka Namdong-B da jop ko yaka Lumrot da 6-0 da ki kool wa thap u Lemiri Dkhar haka minit wa 9, 29 wa 70, u Bet Syntem haka minit wa 40 wa 60 wa kawi won kawa thap bakla (Own Goal).

Related posts

3rd Division EJHDFA: Jop ka Wahsanphaw, Youngstar wa ka Rymbai

July 4, 2025

3rd Division EJHDFA: Jop ka Musniang, Narwan wa ka Nongsning

July 3, 2025

Ka yalehke wa soo da kut ko da 1-1 hapyrdi ka Thadmynri waka Kremmyrsiang. Ya ka Kremmyrsiang da thap da u Jubab Myrboh katwa yaka Thadmynri da thap da u Phrang Muruh haka minit wa 55.

Ki yalehke mynstep u sdang ki heipor 8:30 i step hapyrdi ka Wahiajer waka Larnai, heipor 10:30 u yachem ka Kdohkule waka Nongdhar, heipor 12:30 pyrdi sngi ka Rakabah u yachem ko waka Nongrim Bamthong wei daw pynkut da ka Umladang waka Moorap heipor 2:30 i sngi.