Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa khad-wi ynne deiwa pynman le tylli ki yalehke.
Ha ka yalehke wa nyngkong, ka Ummulong da jop ko yaka Sohphoh da 2-1.
Ya ka Ummulong da thap kool da u Mebanker Challam haka minit wa 8 wa u Daman Shullai haka minit wa 71 katwa yaka Sohphoh da thap da u Sumarbha Suting haka minit wa 45.
Ha ka yalehke wa ar, ka Nonglatem da jop ko yaka Ladmyngor da 6-0 lyngba ki kool wa thap u Pial Langshiang haka minit wa 6 wa 39, u Budlang Mukhim haka minit wa 12, u Bullmi Phawa haka minit wa 32, u Ambrose Dkhar haka minit wa 41 wa u Mulki Langshiang haka minit wa 52.
Ka yalehke wa le da kut ko da 0-0 hapyrdi ka Umbluh waka Kdiap.
Ki yalehke wa bood u pynman haka 27 tarik deiwa sdang heipor 8:30 i step hapyrdi ka Nartiang waka Mupliang, heipor 10:30 ka Mookyndur u yachem ko waka Tyrshang, neitæ heipor 12:30 pyrdi sngi, ka Lumkya waka Myrjai wei daw pynkut da ka Tamu waka Khliehriat heipor 2:30 i sngi.
Discussion about this post