Ka 3rd Sniawbhalang Football Tournament kawa da pynman ha Wahiajer da sdang ko ya ka yalehke Semi Final ynne ka sngi.
Ka yalehke wa da pynman toh hapyrdi ka Sohphoh waka Wahiajer heiwa ka Sohphoh da jop ko da 3-2 deiwa yachut Tie-Breaker hadien wa kut ka yalehke da 0-0.
Ka Semi Final wa ar u pynman mynstep heipor 1:30 i sngi hapyrdi ka Nongkhroh waka Umjalisiaw.
Ya kani ka Semi Final ynne da wan wow sakhilang da u MLA ka Jowai, u Wailadmiki Shylla kam u kongsan, uwa da e yaroh yaka Tournament Committee wa da ye ko pynlai bait ya kani ka Tournament kawa da wan chimbynta hadooh 61 tylli ki chnong wa em haloh ka 1-Nartiang Constituency.
Da e yaroh u leh ya u MLA ka thaaiñ, u Sniawbhalang Dhar wa da ye u pynman ya kani ka Tournament hapyrdi i pynlut wa boon, wei niar u chem ya ki MLA hapoh Meghalaya wa ye u pynman kam kini lympung, pynkut u Wailadmiki Shylla.
Discussion about this post