Ka 3rd Sniawbhalang Football Tournament kawa da pynman ha Wahiajer da pteiñ ya ka ynne ka sngi deiwa sdang ko ya ki yalehke Pre-Quarter Final kiwa da pynman ar tylli.
Ha ka yalehke wa nyngkong, ka Tyrchang da jop ko yaka Kdohkule da 5-4 deiwa yachut Tie-Breaker hadien wa kut ka yalehke da 1-1.
Ya ka Kdohkule da thap kool da u Lamphrang Suting haka minit wa 20 katwa yaka Tyrchang da thap da u Willfare Lamare haka minit wa 29.
Ha ka yalehke wa ar, ka Wahiajer da jop ko yaka Nongsutnga da 3-0 da ki kool wa thap u Oliver Pale haka minit wa 3, u Riburom Jat haka minit wa 34 wa u Gideon Mukhim haka minit wa 67.
Ki yalehke Pre-Quarter u pteiñ ki haka 8 tarik da artylli deiwa sdang da ka Kremmyrsiang waka Myngkrem heipor 12:00 waje pyrdi sngi wei daw pynbood da ka Mynsngat waka Thadmynri heipor 2:00 waje i sngi.
Discussion about this post