U Lasting Pala, waheh chnong ka Umkiang da pynsñiaw u yei sñiawdiaw hajrong i mih khubor ha u Wyrta ynne ka sngi wa ka 6 Shnong Wah Lukha Association, da dam ko wow pyrchah ya ka Public Hearing yong ka Star Cement ka wow pynman haka 30-01-2020 heiwa da mih leh i dur yong oo wa emlang u kam u waheh chnong.
Da pyntip wa ka yalang wa pynman haka 11-01-2020, kawa man ha Kuliang, kiwa kitkaam yong ka 6 Shnong ym em e yutip ki ya oo kam u waheh chnong Umkiang, neibhah ka Dorbar Chnong Umkiang leh ka yarap wei kyrchaan lang ko yaka 6 Shnong. Ini i pyndam ka 6 Shnong Wah Lukha Association, oo kam u waheh chnong Umkiang ym tip u wei hajrong i booh lang ya i dur yong oo da pynsñiawdiaw sakhiat ko ya oo.
Kamtæ neiliang kam u waheh chnong Umkiang, da pynrem joor u ya kam kini kiwa yahkhmat, khamtam ya u Daiapher Lamare, Secretary ka 6 Shnong Wah Lukha Association. Deiwa kylli leh wa ileh wa ym khut lang ya kiwi ki chnong wa marjan wa ya ki seiñbhalang kiwa kyrchaan ya ka 6 Shnong Wah Lukha Association ha i por wa pyndam ki yei pyrchah ya ka Public Hearing ka wow man ha ka 30-01-2020. Da ong u leh wa ya kam uni uwa yahkhmat ym toh de wow chaniah neini chakhmat, chisien da pynbiej u ya ki paralok tangwa arsien te ym ym ye de u pynbiej.
Chooh chooh da ong wa hei yong sakhiat ka chnong Umkiang, ym embynta ko hapoh ka 6 Shnong Association, tangwa da e kyrchaan ya ka 6 Shnong wow pyrchah ya ka Public Hearing yong ka Star Cement kawa man ha ka 19-10-2019. Kamtæ da ong wa kani ka 6 Shnong da i yong ka hi da pyndam ko yei pyrchah ya ka Public Hearing yong ka Star Cement kawa daw man ha ka 30-01-2020, wei kam u waheh chnong ym em kyntien chooh u wow ong iyi iyi.
Also Read: Nei pyrchah ki paidbah, haap pyndam ya ka Public Hearing ka Star Cement
Discussion about this post