Sñiawhun ka WEC yei pynche ka SP hajrong i jia ya ka khynnah wa 14 snem

Shillong: Ka Women Empowerment Committee (WEC) yong ka yung dorbar ka jylla, da sñiawhun ko yei pynche ka chnat pulit ka East Khasi Hills hajrong i jia ya ka khynnah wa 14 snem.

Hawa klam cha ki laad pathai khubor ynne ka sngi, ka Chairperson ka Committee ka Ampareen Lyngdoh, MLA da ong ko wa sñiawhun ko yei pynche na ka chnat pulit ka East Khasi Hills wa da wan da ka SP ka Claudia Lyngwa.

Da ong ko wa ka Committee da rai ko wow khut ya ka SP wa kiwi ki sahep kiwi ki chnat sorkar wow paan pynche hajrong i jia ya ka khynnah ha ka thaaiñ Madanrting.

Ym ye wow pdiang ya i chongkurim dang khynnah rta, ong ka SP

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka SP ka East Khasi Hills ka Claudia A Lyngwa da ong ko wa katkam ka aiñ, i chong kurim hapoh 14 snem, ym ye wow pdiang wei da kdaw ko ya i jia wa pynbaad chah rahbor ya kawi ka khynnah wa dang 14 snem ha ka thaaiñ Madanrting kawa da mih ha ki laad pathai khubor ini wa dep.

Hawa klam wa kiwa thoh khubor hadien wa da dep chah khut hakhmat ka Committee on Women Empowerment ynne ka sngi wa da khlieh da ka Ampareen, ka SP da ong ko wa i leh dei mon hi ym toh u mih neibhah wa kani toh ka khynnah hakhmat ka aiñ.

Da ong ko wa i chah pynbaad wa ka khynnah wa chah rahbor wei chah slaitbor kamwa da mih ha thaaiñ Madanriting ym man ko iwa toh neibhah nei tieñ ya kiwa ha yung ha sem wei man ko leh kawa dang khynnah, da chna ko wow khana yeiwa jia.

Neiliang yong ki pulit kiwa booh ya i kyrpaad hapoh ka yung bichaar wa katkam ka ujor kawa nyngkong kawa e da ka bei yong kani ka khynnah wa da chah rahbor wei chah slaitbor toh u pyndam noh.

Da pyntip ko wa i takit katni man ko katkam ka aiñ ka POCSO Act neibhah wa kani ka khynnah man ko kawa dang khian rta. Hajrong ini i jia, da kem ya uwa yah Bus nadooh ka 30 tarik wei da leh katkam ki kyndon yong ka aiñ.