Jowai: Ka All Jaiñtia Student Union (AJSU) Khanduli Unit da pyntip ko wa ha kani ka 27 tarik u Wisu (March) da em ki yung trep chongdai ha Iaw Khanduli wa da baam lut i diñ ki.
Ka seiñ leh da yoh ujor ko na kiwa chong yaaw ha Khanduli, wa hadooh katni neiliang ka sorkar ym pu em yoh yarap namo em wa wan sylli ya ka nadooh ki bor District kamjooh ka District Council.
Kamtæ neiliang ka seiñ da kyntu joor ko ya ki bor District kamjooh ya ka District Council wow wan sakhi dei khmat yong ki neibhah boon kiwa chong dukan heitai kiwa im ja na ka khayi pateiñ na ki tai ki dukan wei man ki kiwa dooh wa duk.
Ka seiñ leh da kyntu ko ya u MLA ka thaiñ u S. Dhar wow pait lang u ya kini kiwa chah ktah khnang yow man ko ka yoh yarap kawa salonsar kam wa yoh kiwi tawon ki chnong ki thaw.
Ini toh katkam wa pyntip u Publicity Secretary AJSU (KU), u K. Lyngdoh.
Discussion about this post