Jowai: Ka seiñ AJYWO Central Body da pynsñiaw ko yei sñiawsih hei yatoh wa i chah tynyap kawi ka manbei, ka F. Lyngdoh ha ki damok ha Lad-Sutnga, Dkhiah East, East Jaintia Hills District ha ki damok.
Neiliang u Vice President ka seiñ u JR Siangshai da ong u wa hajrong i chah pynkut yabor i mynsien kani ka manbei wa u Poipynhun Majaw, President ka JYF hapoh ka District East Jaiñtia ka AJYWO da kyntu joor ko ya ki bor ka aiñ wa emkaam wow lai ki chakhmat hadooh wow chem ya ki damok wa emkti ha kini ki kaam wei wow pynchitom ya ki katkam ka aiñ.
U President ka seiñ u MH Dkhar da ong u wa ka seiñ da sñiawkhia ko yei ku ki kaam sih ka mih chi mih wow chim yei mynsien bru wa kordor lada u chynrang namo kynthai wei ki paidbah hi ym em de chong chngaaiñ ki hapoh ka East Jaintia Hills.
Kamtæ ka seiñ da kyntu joor ko ya ki bor pulit ka District wow kreh chitom wow pynwiar ya ki kaam sih hapoh ka District.
Discussion about this post