Sñiawkhia ka FKJGP yei pyrchang ka sorkar wow pynkrehkaam ya ka Investment Policy

Kiwa yahkhmat wa ki dkhot yong ka Federation of Khasi Jaiñtia & Garo People (FKJGP) kiwa na Shillong wa kamjooh na East Jaiñtia Hills District Khliehriat ha ka 14 tarik uni u bnai da hiar ki cha ka thaaiñ khappood ha ka chnong Lama kawa haap hapoh yong ka Elaka Lakadong, East Jaiñtia Hills District neibynta u pynthymme ya kiwa yahkhmat yong katai ka chnat krehkaam yong ka FKJGP-South East Border Area (SEBA) Circle.

U Vice President ka FKJGP-Central Executive Committee, Shillong, u Kitboklang Nongphlang kam u kongsan ha katai ka sngi da chim u ya ka bynta wow pynbaam smai ya kiwa yahkhmat wa ya ki dkhot wa thymme kani ka chnat ka seiñ.

U Kitboklang Nongphlang da pynsñiaw u wa ka FKJGP yieñ ko ha ka yurim wa skem wow yada ya ka khyndaw u chyiap, ya ka ri waka jaitbru heiwa da pynsñiaw u leh wa ka seiñ dap ko dei sñiawkhia wa ka sorkar jylla wa kattæ da pyrchang ko u pynkrehkaam ya ka Investment Policy kawa khriñ ya kiwa seiñ khih seiñ kaam kiwa na baar wa tip kam ki Investor hei pyrtuid i roi i paar wei kani daw booh ko hei eh yei hok mantre ya ka khyndaw u chyiap.

U kongsan da e u leh yei khublei kitbok kitrwiang ya kiwa kitkaam wa ki dkhot yong ka FKJGP-South East Border Area (SEBA) Circle kamjooh da e u ki kyntien pynchlur wei e mynsien wow ye ki u chakri bha yei kaam ha ka imlang sahlang wa ya ka ri wa ka jaitbru.

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

U President FKJGP East Jaiñtia Hills District, u Deihok Sumer da ban joor u deiwa ong wa i por da toh bha ko ya ki khynroo rangbah wow mih chakhmat wow ya kit yei khia i chon ha ka imlang ka sahlang deiwa chim ya ka lyngkor wow e chakri yow pynyoo yei maya wa sakhiat ya ka ri wa ka jaitbru hi waroh kawi wei da e u yei kyrkhu kyrdoh ya kiwa yahkhmat wa ki dkhot yong ka FKJGP-South East Border Area(SEBA) Circle.

Ya ka yalang da pynlai da u General Secretary FKJGP-East Jaiñtia Hills, u Emlang Sutnga wei da yoh yei klam pdiang sñiawbha na u President FKJGP Lama Unit.

Kiwa kitkaam yong ka FKJGP-South Eastern Border Area Circle kiwa da chah jied thymme wei chah pynbaam smai neibynta u snem krehkaam 2025-2028:

President, u Mathew Pajat, Vice President, u Ampli Rupsi, General Secretary, u Heimon Sumer, Assistant General Secretary, u Lamchwa Dong, Organising Secretary, u Omega Sumer, Education Secretary, u Kymmo Patwad, Disciplinary Secretary, u Kerdamiki Rymbai, Agricultural Secretary, u Leki Hynthong, Sports Secretary, u Hepful Sumer, Environmental Secretary, u Shibaitlang Suchen, Information Secretary, u Shanbor Suchen.

Da jied wei pynskem de ya ki dkhot ka Executive Committee wa kynthup ya u Ebran Suchen, u Yoosuk Thamar, u Pyndap Lyngdoh, u Leki Dong, u Sukermiki Suchen wa u Dawan.

Ha kani ka jooh ka sngi neiliang ka seiñ da e sñiawbha ko cha ka yung krehkaam Waheh Chnong Lama da ki chuki wa ka miej kam i dak ya krehlang kam ka dak kyrchaan wa khian yong ka seiñ ya ka chnong Lama, ong ka kyrwoh wa phah da u Johnlang Bamon, Assistant Organising Secretary yong ka FKJGP East Jaintia Hills District.