Sñiawkhia ka GSU yei kit palat pood ki truck ha u sarok NH-62

Tura: Ka GSU- Mindikgre Regional Unit kawa em hapoh ka South Garo Hills da pynsñiaw ko ya i kaam wa kit palat pood ki truck ya u mooyong iwa man palat ya 9 Metric Tonne iwa man leh pyrchah ya ka hukum ka NGT.

Kini ki truck toh kiwa lai lyngba u sarok NH-62 na Nongalbibra lyngba Baghmara chadooh Gasuapara.

Yeini ka seiñ da ujor ko leh cha u Director ka Minerals and Mining wa em ha Tura, heiwa ka seiñ da ong ko wa ymem u pynkrehkaam hok ya ka hukum ka NGT iwa da pynsih ya i rukom man u sarok NH-62 uwa da dap sadu ki thlu donhi.

Ka seiñ da pynbaad ko leh deiwa ong wa wa kini ki truck ym du kit ki palat pood tangwa da em leh kiwa kit mooyong khlem ki P Form wa ki Royalty Challan kiwa man kiwa emkaam katkam ka aiñ wa ka hukum ka NGT.