Sniawkhia ka GSU yei wa slem ka sorkar u phah ya kiwa puræ MBBS, da em wa dooh Class la ar bnai

Tura: Ka Garo Students Union (GSU) da beiñ joor ko yei leh stiñ ka sorkar wow phah lai puræ MBBS kiwa napoh ka jylla hapoh ka State Quota hadooh wa da dooh Class ki da boon bnai.

Ka GSU da ong ko wa da booddien ko ya ini i kaam wei da phah ko leh ha ka GSU Khasi Hills Zone wow pynman ya i takit yow chem tre yeini waroh.

Yeini da leh toh wa khuslai wa daw chem chitom kiwa lai puræ neibhah em ki jylla da dep ki wow sdang Class.

Ka GSU da kam ko wa ki tnat sorkar watoh u pyndep ya ini i kaam yoosar ymtip ki yei rukom krehkaam kiwi ki jylla nadooh ka jylla wa jan ka Assam kiwa da dep wow sdang Class.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da ong ko leh da em ki thaw wa da dep u lai ki Class cha khmat la ar bnai wei ini ymtoh iwa suk ya kiwa lai puræ wow boodien ki khamtam ha ka puræ MBBS wei katkam wa chem ka GSU da ong ki wa ka wi ka tnat sorkar da pynbaad ko ya kawi yeini wa jia wei da ong ki leh wa ki ym tip ki wa da kylla i sdang Class smat ha uni u snem.

Neiliang ka GSU da ong ko wa dadep yaklam ko wa kiwa pait yeini wei da kular ki wym jia de kamni.

Ka seiñ da pynkut ko deiwa ong wa ka jylla da duna Doctor chwa ko wei ini i leh ka sorkar da pynyoo wa ym em chimkhia ko ya ini i kaam.