Hadien wa yoh ujor na ki paidbah, neiliang ka HITO Jowai Circle hapoh i yahkhmat u President, u Owansaki Paswet wa u Finance Secretary, u Lakhon Challam ynnin ka sngi da lai yachem ki waka DMC ka SSA hapoh West Jaiñtia Hills.
Ha ini i yachem da yoh u phyllu yumut chiboon heiyatoh wow pynmiat pynbha ya ka puræ puthi hapoh ka Scheme SSA heiwa ka seiñ da kyntu ko ya waroh ki skur SSA wow chimkhia ya ka lyngkor wa kit ki kam kiwa sikai neibhah ka seiñ sñiawsih ko yei rukom hiar i puræ puthi.
Ka seiñ da ong ko wa iwa sñiawsih dooh u yoo wa em kattu katni kiwa sikai wa da thung da ki SMC kiwa da kreh donhi katwa dang yang ki yei kreh sorkar wei wan hikai ki ha ki skur SSA du wow chaan donhi wei lada kamni daw dooh myntoi ki khynnah.
Ka HITO daw booddien ko leh yeini yow ye u pynjanai ya ki kaam wa dawa ki khynnah man-ka-sngi neibhah boon ki khynnah ha kini ki skur toh kiwa na ki manyung wa duna hei yoh i laa.
Discussion about this post