Jowai: Ka HYC-WJC da pynsñiaw ko yei sñiawkhia yong ka wa joor i boon ki bru tre ri wa pynchah pyrtuid neibynta ki dkhar yow yoh mynoti ki samen khlem da pyrkhat de ya ki parasnaam wa ka pateiñ wa daw wan. Kamtæ da maham joor ko ya kam kini ki jaitbru wa leh ya ki kaam Benami.
Kiwa boon hi ki khynroo khyllood toh ki wym em kreh kiwa da pyrchang leh wow seiñ khih tangwa neidaw wa pynhiar dor ki dkhar, ym ye de ki u yaleh wa ki.
Kamwa man katni ki dkhar da kreh ki nadooh ki kaam wa khian wa nai hadooh ki kaam wa ki khynnah kynthai leh ye ki u leh.
Lada kyruiñ won cha ki kaam mistri wa jooh boon ki bru yong i, katni da boon ki dkhar wa kreh ki neibhah ki bru yong i ym pyrkhat ki nadooh kiwa malik hadooh ki contractor pynemkaam ki da ki dkhar hanlada ki bru yong i leh ye hi ki u kreh.
Kamtæ ka seiñ da kyrpad joor ko ya ki bru yong i wow pyrkhat ki neibynta ka mynried mankawi yow lait ki u chah tympleh ha ki baarjylla.
Ka seiñ leh da kyntu joor ko ya ka Labour Department wow booh yukheiñ ya ki jait kaam wa ki bru yong i ye ki u leh khnang wa kiwon kiwon wa emkaam bru wa kreh suk ki u thooh bru wa kreh da ki jait bru yong i deiwa booh kam ka jait register wa du ki bru yong i wa hoi u em.
Kani toh katkam ka khubor na u Damanleki Lathong, President HYC-WJC.
Discussion about this post