Sñiawkhia ka IBSWO wa da chna ya ka Power Grid ha Mynkre khlem yohbor

Jowai: Ka Indigenous Biodiversity & Social Welfare Organisation (IBSWO) da pynsñiaw ko yei pyrchah hajrong i pynkreh ka Power Grid ya ka 132/33 Kv ha ka chnong Mynkre, East Jaiñtia Hills Meghalaya nadooh kini ki snem wa dadep.

Ka Substation Mynkre kawa 132/33 kV da pynkreh da ka Power Grid wa MPTCL kawa kynjoh T. 34,86,76,533.00 klur katkam ka Sanction du neibynta ka Mynkre Substation.

Ka seiñ da chem ko wa da yoohbeiñ ware i hok ki paidbah ka thaaiñ neibhah wa chem wa em ki chnong wa chim No Objection Certificate (NOC) kam na Rymbai wa Umsatai katwa em leh ki chnong ki wym em chim kam na Mynkre.

Ka seiñ da ong ko wa hei sakhiat haap yoh chwa ya ka NOC na ki tre chnong chwa wow kreh ya kam kini ki kaam wei emkaam leh u pynman ya ki pynsñaw paidbah namo ki Public Hearing wei em ki thaw wa pynemkaam khlem yohbor na ki tre thaw kiwa emhok wow yoh ya ka bai thaw neibhah wa boon kam kini ki bru ym em ki yei stat i tip.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da sñiawkhia joor ko yeini neibhah ym em de u pyrkhat ya ki bru kiwa ye u chah ktah neibhah wa ya ki sainaar bordiñ da pynlai najrong yung ki bru kiwa ktah ya ki mobile phone network.

Ka seiñ da ong ko wa da chem ko wa ya kani ka kaam da leh khlem bood ya ki kyndon aiñ wa ki kyndon krehkaam katkam wa toh u leh.

Hajrong kini waroh ka seiñ daw chong pyrkhat ko wei daw bichaar bniah ko ya ki kot ki sla wa yoh lyngba ka Right To Information (RTI) chwa wow chim ya ka rai kawa khor yeiwa daw pyntip paidbah won ko hadien.