Sñiawkhia ka Jaiñtia Hills District Bar Association yeiwa chah thombor ka dkhot yong ka

Jowai: Ka Jaiñtia Hills District Bar Association, Jowai næ ka seiñ yong ki muktiar da pynman ko ya ka Special Urgent General Meeting yong ka ynne ka 2 tarik yow beiñ yei kaam damok wa leh u Emerald Siangshai pyrchah ya kawi ka muktiar ha ka 31 tarik uni u bnai.

Ka seiñ da e yaroh ko ya u Superintendent of Police wa ya ki pulit ka West Jaiñtia kiwa da chimkhia yeini wei da kreh ki wut-wut wow kem ya uni u bru.

Heijooh i por ka seiñ leh da yaroh ko ya ki muktiar kiwa man leh ki dkhot yong ka kam u E.T. Sajem, ka S. Dkhar, ka R. Siangshai wa ka D. Suchiang kiwa da pyntip bran bran cha ki pulit yow ye u pyllait ya kani ka muktiar na kti u Emerald.

Kamtæ ka seiñ da kyntu ko leh ya ki bor ka aiñ wow pynman ya i takit wa bniah wei wow pynchitom ya uni u bru khnang wow lait na kam ini i jia hadien habood.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kani toh katkam ka khubor na u President ka Bar u C.S. Kyndiah wa u Secretary yong ka u S. Thangsan.

Also Read: Chah rahbor kawi ka muktiar na yung krehkaam u DC ynne i sngi