Jowai: Ka Jañtia National Council (JNC) – Mid East Unit, dap ko dei sñiawsih wym yoh bor diñ ki 7 tylli ki chnong hapoh ka East Jaintia Hills District kiwa kynthup nadooh ka chnong Malamanoh, Moosniang, Moolang, Rangad kamtæ ter ter.
Ini i dooh light toh nadooh wa kop diñ ka Moowakhu Substation ha ka 31.06.17 kawa em hapoh ka chnong Dkhiah West heiwa i diñ da baam ko hadooh 3 tylli ki transformer.
Nadooh ka tai ka sngi hadooh ynne ka sngi kini ki 7 tylli ki chnong ympu yoh bor diñ ki wei da booh ko yei eh wa khroo bha ya ki paidbah khamtam ki khynnah skur kiwa em exam katni neibhah ktah ko yei por wa ye ki u pynkhreh ya ka exam yong ki.
Ka JNC-Mid East Unit da kyntu ko ya u Executive Engineer, Khliehriat Division wow pyrkhat u ya i eh i khoo ki paidbah wei wow pynyoh bor diñ cha kini ki 7 chnong kamwa yoh cha kiwi ki chnong hapoh ka district.
Ka seiñ leh sñiawthooh ko wa neidaw wa iñ ki transformer da ktah ko ya waroh kawi ka district wei da booh ko leh ya ka MeECL hei eh bha wow pynpoi bor diñ hanlada kattæ leh da kyntu wow pynpoi bor diñ cha kini ki chnong heipor miet yow yoh myntoi ki khynnah skur wa dang yaleh exam chiteiñ snem.
Kani toh katkam wa phah u Nini W. Sungoh, President JNC: Mid East Unit
Discussion about this post