Ka Jaiñtia National Council (JNC) Khliehriat Circle ynne ka sngi da lai ko wow yachem markhmat wa u Site Engineer ka Purbanchal Buildtech Pvt. Ltd. kawa pait yei pynchna ya u sarokbah NH-6 ha ka thaaiñ Khliehriat heiwa da mih palat i laphooh nei chna ya uni u sarok iwa da ktah bha ya kiwa lai wa wan, ki paidbah wa sah chajan wei khamtam ya ki khynnah skur kiwa lai lyngba uni u sarok.
Ka seiñ dadep ko leh wow thoh cha u Deputy Commissioner ka East Jaiñtia Hills District yow kyrpaad siat um ar sien chi sngi khamtam heipor wa chit ka sngi wei rkhiang i khyndaw katwa dang lai i kreh heiwa u DC leh da phah u wow leh yeini tangwa ym em da bood ki.
Hajrong ini, kiwa yahkhmat ka JNC Khliehriat Circle da lai yachem ki wa u Engineer yow yaklam heiyatoh wa ini uwa da kular wow chimkhia u siat um ar sien chi sngi.
Ka seiñ da ong ko wa daw booddien ko yeini neibhah wa ktah ko yei chait i khiah ki bru.
Discussion about this post