Jowai: Ka seiñ Jaiñtia National People Organisation (JNPO), ha kani ka 8 tarik da chem ko wa boon tylli ki chrot bordiñ kiwa em harood luti wa kamjooh leh ha jan yung ki bru kiwa da jan kheiñ neidaw wa baam ka sarah, kiwa em ha ka chnong Saphai West Jaiñtia Hills District, wei kani daw wanrah ya iwa jia wa sñiawsih ha iwon iwon i por ya ki paidbah.
Uwa yah khmat ka JNPO u Andreas Suchiang da ong u wa ini toh wa kheiñ stiñ ka tnat MeECL ka wym cha ya kini ki chrot wa da jan kheiñ wei neiliang yong oo da kyntu u leh ya ki Waheh Chnong kamjooh kiwa chong chnong wa toh u ujor ki cha ka tnat bordiñ yow lait iwon iwon wow jia hadien habood.
Chooh chooh da ong u wa lada jia iwon iwon kam i pat kini ki chrot, ka MeECL haap bah khlieh ko neibhah ym dam de ki u pat.
Kamtæ neiliang ka seiñ da dawa ko wow chna noh ya kini ki chrot wei da kyntu ko leh ya ki MLA, ki MDC wa ki paidbah waroh wow pait bniah ki ya kam kini ki jait chrot wa ye u wanrah ya iwa sñiawshih ha iwon iwon i por.
Discussion about this post