Jowai: Ka seiñ Jaiñtia Students Movement (JSM)-Jowai Circle, da yoh ko yei ujor na ki paidbah wa lai wa wan heiyatoh wa i rukom booh kari katwa ngait ki tre dukan khamtam ha Newhill yong ki baar jylla dei yong kynta katwa ki paidbah won da chah pyndait Clamp ki hanlada pynyieñ ki du chibet chipor donhi.
Ka seiñ da sñiawphylla ko wa neiyi yohbor kini ki truck wow pynyieñ heini wei wow pynhaap mar dei sngi wei kammon yoh ki wow psiah hawa em ka No Entry ya ki kari heh khamtam i sngi wa khynñia ki sarok ha Jowai.
Kamtæ neliang ka seiñ da ong ko wa daw booh ko da ka dorkhat ha u Traffic In-charge wow leh u yeiwa emkaam khnang wow kyllooid ki sarok khamtam i por wa lai skur ki khynnah.
Heijooh i por ka JSM-Jowai Circle da kyntu ko leh ya ki paidbah wow krehlang wa ka aiñ khnang wow lait nei sah block ki kari ha ki sarok khamtam hapoh Jowai.
Discussion about this post