Jowai : Ka Jaintia Students’ Union Central Body hadien wa yoh ujor ko na ki kattu katni ki manbei manpa yong ki khynnah skur ha Ri-Loom Jaiñtia khamtam ha chnong Jowai da kynnoh ki wa boon na ki skur jooh pynbor ki ya ki khynnah skur wow dai ki ya ki ticket lucky draw. Hei yatoh wa kani ka phang ka seiñ da sakhi ko leh wa ki khynnah skur dei sap uniform da ki lai dai ticket ki cha yaw cha hat cha ki dukan wa cha ki ophis sorkar.
- Hajrong ini ka seiñ da dep li e dorkhas ko cha u Deputy Commissioner West Jaintia Hills District, U Superintendent of Police wa cha ka District School Education Officer, West Jaintia Hills nadooh ka 8.09.2015.
- Ka seiñ leh da dawa ko na ki bor wa hajrong wa toh u pynsangeh noh ya ini i pynkit bor ya ki khynnah skur neidaw wa :
- Ini booh ko ya ki khynnah ha i maa ha wa lai dai ticket ki neibhah hap ki u phet na chiliang cha chiliang u surok.
- Ki khynnah jooh maad ki leh ya i klam khlem akor na ki bru heipo wa lai tyrwa dai ticket ki.
- Ha kani ka juk wa katni jooh yoo boon ki kaam wa sih wa booh ya i mynsien kini ki khynnah hei maa kam i chah rahbor.
- Ki khynnah ki ym ye de ki u pynlai jingmut ha i puræ puthi yong ki neibhah tieñ ki wa yim ye ki u dai ya ki ticket.
Ha i jooh i por ki bei ki pa yong ki khynnah chem jingeh ki neidaw wa haap ki u su ya ki ticket wa sahdai.
Kamtæ na i liang yong ka seiñ da dawa ko na waroh ki nongpynlai ya ki skur wa ki ym toh u pynbor ki ya ki khynnah u dai ya ki ticket lucky draw du neidaw wow pynmih poisa ïa ka skur.
Discussion about this post