Sñiawkhia ka MBS&G yei khlaad syndet u Honsen Lyngdoh

Jowai: Ka Meghalaya Bharat Scouts and Guides da pynsñiaw ko yei mynsien wa sñiawsih yei khlaad syndet u Honsen Lyngdoh uwa man kam u pa ki Scout uwa sdang nyngkong ya ka hapoh ka jylla.

Da ong leh wa ka Bharat Scouts and Guides hapoh ka Meghalaya da dooh ko ya uwa yahkhmat wa chyrkhei kamjooh leh uwa yarap ya ka jaitbru.

U Honsen Lyngdoh, Vice Patron da emlang u wa ki Scout la 38 snem kattu wei dadep pynkup burom leh ya oo ya ka wa ha khlieh dooh da ka National Award kawa tip kam ka The Silver Elephant da u President warim ka ri u Pranab Mukherjee ha u snem 2015 wei da yoh u leh ya ka Bharat Scouts and Guides Fellow Medal ha u snem 2016.

Ka Meghalaya Bharat Scouts and Guides da dooh ko ya u khloor yong ko u wym em de wow ye u kyllliang kamtæ da phah ki ya ka khubor sñiawlem leh ya kiwa ha yung ha sem yong oo ha kini ki por wa sñiawsih.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024