Khliehriat: Ka seiñ Meghalaya Peoples’ United Front-East Jaintia Hills District (MPUF-EJHD) hapoh i yahkhmat u President yong ka u Michal Chyrmang ryngkat i synraan ki dkhot ka seiñbei hapoh i yahkhmat u D. Laloo wa u Secretary u Aimonbha Syad da lai yachem ki ya u Medical Officer ka PHC Pamra Paithlu East Jaiñtia chirup wa ka dorkhat wow dawa beh ya ka Nepali wow wai dukan hapoh pchem ka PHC.
Ka seiñ hawa yaklam ko wa u Medical Officer kani ka thaw sumaar u Dr. F.A Lamin uwa da kular u wow beh noh ya kani ka bru wei daw khut da ka Tender wow wai ya ka Canteen thymme neibhah katni dang chna ya ka Canteen wa thymme.
Ka seiñ da phylla ko wa yoh ujor na ki paidbah wa jia ini waroh ha kani ka PHC heiwa ya kani ka Canteen da pynlai da kani ka bru la 7-8 snem.
Heijooh i por ka seiñ da kylli ko wa kammon ka Nepali u yoh ko wow chong kamni katwa yap khih ki tre jylla kamni.
Hajrong ini waroh ka seiñ da dawa ko leh yeiwa emkaam deiwa pyndep ya ka yungkrehkaam wa thymme khnang wow myntoi ki tre jylla.
Discussion about this post