Jowai: Ka seiñ ki tre Truck ha West Jaiñtia Hills District da ong ko wa da chem chitom ko chiboon neidaw wa ym jooh yoh ko u pynman ya ka General Meeting kattu la jan dap soo snem nadooh ka sngi wa da jied ya u Nidamon Chullet wow man kam u President ka seiñ.
Ini wym jooh yoh u pynman ya ka General Meeting da pynsuba ya ki tre Truck boi em iyi iyi cha lyndet.
Ka seiñ ki tre Truck ha ka yalang kawa pynman ynnin ka sngi ha Ynñiaw Mer da phah ko ya u President u Nidamon Chullet wow khut yalang namo ka General Meeting hapoh ka 25 tarik uni u bnai wei lada u President ym leh u yeini ka seiñ ym yohsa ko wow lai cha khmat da kiwi ki luti.
Ha ka tai ka yalang da wanlang da ki spah ngut ki tre Truck kiwa da pynsñiaw wa kwah ki ya ka General Meeting yow im ka seiñ, da pynkut ka kyrwoh khubor naka seiñ ki tre Truck.
Discussion about this post