Shillong: U montri rangbah ka jylla,u Conrad Sangma da ong u wow kdoh u khoom yei kaam tih mooyong man i iwa eh bha ya ka sorkar Meghalaya Democratic Alliance (MDA), wei yeini da ong u hawa yaklam wa kiwa pathai khubor ha ka sngi wa dap chi snem ka sorkar MDA.
“Man ko ka kaam wa eh bha wei ka sorkar yaleh ko u pait salonsar hapyrdi ka yoh ka kot wa i yada ya ka rymaw. Kani ka kaam man ko kawa emkaam bha wow pyntikna wym chah ktah i khih i kreh ki paidbah wei ka rymaw leh ymtoh u chah ktah ko,” da ong u Conrad.
Da ong u wa i jia ha Ksan Ryngkhloo ha East Jaiñtia Hills District toh iwa sñiawsih wei iwa sihlet bha deiwa pynrap leh wa ka sorkar chimkhia bha ko yeini.
Da pyntip u leh wa da chna ya ka Committee ha waroh ki District khamtam ha ki District wa em i tih mooyong wei ya kini ki District u khlieh da ki Deputy Commissioner, ya kiwa da ekti wow booddien ki ya i kaam tih mooyong tooh.
“Ki Deputy Commissioner toh u pyntikna ki wow phah ya ki bui (Report) yow pyntikna wa da leh ki wow khang yei tih mooyong tooh.” da ong u Conrad.
Discussion about this post