Sñiawkhia ka Synjuk ki Waheh Chnonga ka East Jaiñtia yei roi i pynemkaam Drugs hapoh District

Jowai: Ka Synjuk ki Waheh Chnong ka East Jaiñtia Hills da pyntip ko wa da yoo ko yei roi u Drug uwa da kreh borbah wow pynjæd ya ka mynried ki khynroo hadooh ya kiwa da rangbah kamjooh ya ka yung ka sem wa ha chnong hi waroh kawi.

Ka synjuk da ong ko wa i em u Drug da pyntlot ko ya i synchaar chnong hawa da chah kdoh kiwa chong chnong ha uni u jait dih.

Kamtæ yow pyndooh na tre na thied kani ka jait dih emkaam i ya krehlang kiwa synchaar chnong waroh deilang i ebor mynsien lang waroh kiwa chong chnong kynthai wa chynrang wow kreh deiwa eh khlem rieh khnang wow ye i u yada ya ka mynried wei katni emkaam u yait nei chah ieñ ha uni u jait dih.

Ka synjuk da kyntu ko leh ya ki paaid ka thaiñ East Jaiñtia Hills wow ksoh kti lang iwi i sur khnang wow ye u pynman sakhiat ya kani ka thong yow wanrah ya ka mynried kawa chngaaiñ wa em burom ya ki paaid chong chnong ka East Jaiñtia hi waroh kawi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da kyntu ka synjuk leh ya ki bor ka aiñ wow thooh wei wow pynchitom ya kiwa pyllai yaaw, kiwa dai Drug wei wow pynchitom ya ki katkam ki kyndon ka aiñ.