Sniawkhia ki ar seiñ wa pynslem ka sorkar ya ka Scholarship ki khynnah ka KNGC

Jowai: Hadien wada yoh ujor ki ar seiñ wa kynthup ya ka JNC wa AJSU na ki kattu, katni ki khynnah puræ ka KNGC wa ympu em yoh ki ya ka Scholarship nadooh u 2016-2017, BA 1st Semester wei hadien wa da yaklam wa u Principal ka thaw puræ, neiliang yong oo da ong u wa ymtip u chaphang ini neibhah wa da leh yeini da ka yungkrehkaam na Shillong.

Neiliang kini ki ar seiñ da sñiawphylla ki wa wot hadien wa ki khynnah da pynbiang ki ya ki kot ki sla tangwa iwa phylla dooh toh wa hadooh kattæ leh ym em yoh ki ya ka Scholarship yong ka BA 1^st Semester 2016-2017, hei sakhiat da toh u yoh ki yaka 2^nd Semester, tangwa ymtip neyi i daw wa slem ki.

Kamtæ kini ki seiñ da kyntu joor ki na ka sorkar wow pynche paidbah yeini cha ki khynnah ka College wei da kyntu joor leh ya u Montri ka tnat puræ puthi wow pait yeini wei wow leh yeiwa emkaam.

Ini toh katkam wa da phah da u A.R. Dhar, President ka JNC,WJZ wa u P.S. Phawa, President, ka AJSU.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024