Jowai: Ki khynroo ka Ummulong pyllun da pynbna ki yei sñiawsih wa chah yoobeiñ ka chnong Ummulong neibhah katni da yoo kam waka chnong yong ki man ko kawa sih.
Da ong ki waroh chi kattu ka chnong Ummulong da yoh naam ko kam kawa suk kawa em i maya yonglang tangwa katni da jah burom ko wei ha kam kini ki por toh u booh chadien ya ka kaam politics.
Da pyntip ki waroh ini toh du neidaw ki 10 ngut kiwa pynsih ya ka chnong kiwa pynthut ya ka kaam pynroi na i bichni atnood. Da kylli ki leh wa kini ki 10 ngut mo ki wow thooh kreh ya kiwa dooh kreh?
Da pynbaad ki leh wa kini ki 10 ngut kiwa pynawri toh kiwa da biang yei yong ki wei ymtoh u luchia ki deibor yong ki neibhah da em ka dorbar chnong wow pait ya ini waroh wow pynbait ya waroh i kaam.
Chooh chooh da ong ki wa lada neini cha khmat ym bien de ki bru u kreh ya kani ka kaam 100 sngi na i leh kini ki 10 ngut ki seiñbhalang mo wow thooh kreh ya kiwa kup chilliang sem chilliang.
Hei yatoh won wa i saam Appeal ka FKJGP da kylli wa ki yi wa e bor ya kani ka seiñ wei da maham ko leh ya ki wym toh u luchia ki ya i kaam pohyung ka chnong wei ym emkaam yei sñiawkhia yong ki neibhah ki khon khynroo wa tip bha bar ya ki.
Kani toh katkam wa phah khubor u Phas Shylla, u Absolom Talang, u Lebi Siangshai, u C. Lamare, u Paul Shylla, u Sanibha Langi, u Marjan Laloo, u Lanlad Rymbai wa u Free Shullai wa man kam ki Convener.
Discussion about this post