I wan ka Cyclone Remal da ktah ko ha kiwa boon ki bynta la hei oor khyndaw, i chah khloh ki sarok, i chlai um, i pat ki dieñ wa kiwi kiwi.
Ynnin wa ynne ka sngi ki paidbah na ki kattu katni ki bynta ka chnong Jowai da pyntip ki cha u Wyrta wa nadooh wa wan kani ka æryong da dooh ka bordiñ la soo hadooh san sngi hadooh ynne.
Da ong ki wa man iwa sñiawsih wa hanlada kani ka æryong da kut ko tangwa i wym ye ka MeECL ha Jowai wow pynpoi bordiñ khamtam i por miet synyaaw, da booh hei maa ya ki yung ki sem wa ki luti syngkieñ kamjooh.
Uwi uwa da pyntip cha u Wyrta u wym kwah u pynmih pyrtuid da ong u wa yoo lakam wa duna kiwa kreh hapoh ka chnat MeECL ha Jowai wei lada kamni toh u paan yarap ki na kiwi ki thaw wa em ka chnat wow smat u pynpoi bordiñ ha sor Jowai kawa man ka Headquarter ka West Jaiñtia Hills.
Da kyrpaad ki ya kiwa krehkaam chnong wow chimkhia ya kam ini neibynta i bha i miat ki manyung hapoh ki chnong ka sor Jowai.
Kamjooh leh da kyrpaad joor ki ya kiwa kreh ka MeECL wow smat u kreh wow pynpoi bordiñ biang neibhah lada kamni i dooh ko da ktah bha i ya ki khamtam hei baam i diñ heipor la’yur.
Heijooh i por da kyrpaad ki leh wow chimkhia ya ki ujor yong ki cha ka chnat yeiwa da leh ki sngi wa synyaaw.
Discussion about this post