Jowai: Ka seiñ All Hynniewtrep People United Front (AHPUF) seiñbei, da i sñiawkhia wa khroo hajrong wow yoo yei knieh ki baar jylla ya ki thaw chong dai ki tre chnong ha Iawmusiang Jowai, ha i thaw ka Seiñraij Jowai, iwa ka seiñ da dawa ko wow beh noh ya kini kiwa wan dai tiar da man ko kawa mihsoh hadien wa da yoo ko wa ki tre chnong da yoh biang ki wow chong ha ini i jooh i thaw wa jooh chong ki.
Ya ini i pyndooh thaw chong dai ya ki baar jylla, ka seiñ da dap ko da i sñiawkmen ba khroo wei da e khublei ko ya ka Seinraij Jowai kawa da chimkhia ya kani ka kaam wow khang ya ki baar jylla kiwa chim kabu wow kamai spah ha i thaw yong ki tre ri tre chnong. Chooh chooh ka seiñ da ong ko wa ym toh wow e laad ya ki baar jylla kiwa wan knieh wow kamai ha ki thaw wa yarap ya ki tre ri.
U President ka seiñ u John Phawa da kyntu u leh ya ka Seinraij Jowai wa ya kiwi de ki bru samen khamtam leh ya ka District Council wa ki ym toh u e laad e bor ya ki baar jylla wow kamai spah ha kam kini ki thaw wa jooh chong ki jaitbru Pnar neini chakhmat.
Also Read: Sdang knieh ki baar jylla ya ki thaw chong dai ki tre ri ha Jowai: AHPUF
Discussion about this post