Ka FKJGP Bataw Unit dap ko dei sñiawsih wa khroo wow tip wa u ma (L) Handaoo Lamar uwa man u tre ka M/S Lamar Arts ka dukan wa em ha Iawmusiang, Jowai da khlaad syndet u na kani ka pyrthai cha wa thiah.
Ka wyrta na u President ka seiñ, u Deihok Sumer da ong u wa uni uwa khlaad uwa na ka chnong Loomiongkjam, Jowai da wan chongkha u ha chnong Bataw wei man u u bru wa yoh lok bha wei uwa em ka mynsien yakrehlang ha ka imlang sahlang.
Katkam ka yutip ka seiñ toh wa man u leh u bru uwa e yumut bha ya ki kaam kiwa bha la ha iwon iwon i bynta.
Ka seiñ heiyatoh kaam wa u ma Handaoo, chem ko yei sñiawsuk hadooh kattæ kattæ wa i mynsien wa sbun wei smat u yarap ya kiwon kiwon ki kaam kiwa oo ye u wow leh lyngba ki kaam wa oo chakri u ha thaw kreh yong oo, dap ko leh dei sñiawsih wei dooh nong iwa khroo wei sñiaw diaw sñiaw tliaw yei dooh syndet syndet ya kam uni u bru uwa ka seiñ ym sñiaw em kyntien de ko u batai chaphang ki kaam wa bha u ma Handaoo Lamar.
Kamtæ ka seiñ sñiawthooh ko yei chem sñiawsih ka yung yong oo khamtam ka kurim yong oo wa ki khon yong oo arngut wa da ieh u chadien.
Ka seiñ phah ko kani ka wyrta sñiawlem cha kiwa ha yung ha sem yong oo wa u Blai Kynrad u emlang wei u pyntngen u ya phi dei bor yong oo hei jingim yong phi chakhmat, da ong ka Seiñ FKJGP Bataw Unit lyngba ka wyrta na u Deihok Sumer.
