Da man sakhiat i khyrngiat hadooh kattæ kattæ ya i kam ka seiñ hi waroh kawi yei khlaad wa syndet u Sir. S. Lamin, Deputy Labour Commissioner, West Jaiñtia Hills District, Jowai.
Ini toh i dooh wa khroo yaka seiñ All Jaintia Muster Roll and Labour Union wa ya ka West Jaiñtia Hills District hi waroh kawi.
Ha kini ki snem kiwa dep, ka seiñ da yoh ko u ya kreh chiruplang wa u Sir Lamin wei da yoh chiboon i myntoi wa i yarap na oo ya ka seiñ heiyatoh wa ki kaam yong i kiwa mylla sngi kiwa em hapoh ka Labour Department.
“I wym ye de i u mylliñ hapoh ka seiñ wa ha Ri Jaiñtia hi waroh kawi ha u snem 2020 hei wada em ka khlam COVID-19, u Sir Lamin da chim sakhiat u yei kitkhlieh wa khia hei wow pynyoh ya i kyrchaan cha ki dkhot ka MBOCWB kawa e neiliang ka sorkar Meghalaya lyngba ka Labour Department, chiboon kiwa mylla sngi kam ki misteri, kiwa choh mooria, kiwa kreh Muster Roll, wa kiwi tawan kiwa mylla sngi kiwa chem yei eh ha kini ki por wa da dep da yoh yarap ki.
Neiliang yong ka seiñ phah ko ya kani ka khubor, wa ya sñiawdiaw lang ko chirup wa ka kurim ki khon kamjooh wa kiwa hayung yong oo waroh.
Lai suk Sir.
Ka kyrwoh na ka Daïoophika Ïakai, Vice President, AJMW&LU.
