Ka Balang Presbyterian Khliehtyrshi da pynsñiaw ko yei sñiawngooh ya u Sniawbhalang Dhar uwa man leh kam u Montri ka sorkar Meghalaya yeiwa da e yarap poisa u khnang yow u ye ko u pyndep chna ya ka yungmane wada sdang u chna nadooh ki snem kiwa dadep.
Ynne ka sngi neiliang u Sniawbhalang Dhar da wan wai u yaka Fete wa da pynman daka Balang Presbyterian Khliehtyrshi deiwa emlang u CEM ka JHADC, u Thombor Shiwat wa ki MDC wa kynthup ya u Phasmon Dkhar, u Jesse Suiam, u Lakhon Dkhar, u Ailad Bhoi, u Eveningstar Teron, u Octomewot Lamin, ki waheh ka Balang Khliehtyrshi nadooh u Rev. M. Shylla ki Tymmen Wasan, ki dkhot Committee Balang kamjooh ki khon ka Balang kynthai wa chynrang.
Ya ka yalang ynne ka sngi da pynlai da u T.Bn P. Mynsong wei yaki kyntien e khublei da e da u S. Rymbai wei neiliang ka Balang Presbyterian Khliehtyrshi da e khublei kyrpang ko ya u Sniawbhalang Dhar yei smat u wow e yarap yaka Balang.
