Ka chnong Hingaria lyngba u waheh chnong da e khublei ko ya ka 172Bn BSF wa da pynman ko da ka Mega Medical Camp hapoh ka chnong heiwa da yoh myntoi da ki spah ngut kiwa chong chnong kiwa da yoh u leh ya ka Check-Up deilang i dawai iwa dei mynkna.
Ha kani ka Medical Camp da yoh myntoi nadooh ki manbei manpa, ki khynnah ki khynroo khyllood khlem da hap u pynlut ki iyi iyi leh.
Ka chnong da ong ko wa ki chipai BSF neipor cheipor da man ki kam kiwa yarap wa jan bha wa ka chnong khamtam hawa jia iyi wa jhan heiwa da man ki kiwa smat wow e yarap ya kiwa chong chnong ka Hingaria.
Da ong leh wa da man ki kam ki paralok wa yajan bha wa ki paidbah heiwa da ya kreh deiwa ya sñiawthooh yumut ha kiwon kiwon ki bynta khamtam heiliang ka chongsuk chong chngaaiñ ki paidbah wei manda em ki kaam pyrchah aiñ wa ki kaam wa yatoh wa u pood hawa kani ka chnong toh kawa yajan wa ka ri Bangladesh.
Kamtæ da e khublei wei kitbok kitrwiang ya ka 172Bn BSF khnang wow nang ye chooh chooh wow e ki laad yarap ha ka liang e dawai dachin wa kiwi de kiwa emkaam ki paidbah wa chong chnong ka Hingaria deilang kiwi de ki chnong ka ri, pynkut ka kyrwoh na u Waheh Chnong ka Hingaria, u Samson Lamin.
Discussion about this post