Jowai: Kiwa chong chnong ka chnong Mynso da pynsñiaw ki yei mynsien sñiawngooh ya ka sorkar nadooh u MLA ka thaiñ u C. Ymbon, u Deputy Commissioner, West Jaiñtia Hills District, u Block Development Officer ka Laskein Block, wa u CEM ka JHADC u M. Pariat wa kiwi kiwi kiwa da wan sylli ya ki manyung wei kiwa da e yarap cha ki manyung kiwa chem chitom neidaw wa haap u phria uwa da haap ynnin ka 30 tarik.
U phria uwa joor da pynjæd u ya ki tnoom yung kawa da ktah boon kiwa chong chnong ka Mynso kiwa da kynjoh chadooh palat 200 tylli ki manyung.
Ynnin i miet da ye u saam hadooh kamwa 50 tylli ki Tarpaulin wei ynne i step won 10 tylli.
Kamwa hadooh ynne i janmiet ki bru dang wan tooid ki cha yung u waheh chnong wow paan Tarpaulin, tangwa hadooh wa pynmih ya kani ka khubor ympu em u yoh Tarpaulin de.
U waheh chnong ka Mynso B, u RM Khlem da ong u wa ynne embhah wa ym em de slap kam tynnin lym kamtæ daw chitom chooh chooh ki paidbah ka chnong.
Discussion about this post