Ka Dorbar Chnong Sohmynting chirup wa ki paaid chong chnong yong ka chnong pynsñiaw ki yei sñiawngooh wa khroo ya u MDC yong ki u Lakhon Dkhar neibynta i e sñiawbha bha u da u khoo ya ki khon yong ka chnong ha kini ki por wa em ka khang chnong.
Ha chwa u saam ya u khoo cha ki khon yong ka chnong da yoh yei klam tbian na u MDC uwa da kyrpaad ya ki khon yong ka chnong wow pdiang ki ya ini i e da i mynsien wa sñiawkhian wei dei mynsien wa kmen hanlada man i i e wa khian yong oo kam uwa mihkhmat yong ka Constituency deiwa pyrchang u thooh ki laad ki luti, hanlada ka sorkar em ko hei duna poisa.
Ha kani ka sngi da emlang u Secretary chnong u M.L. Pyrtuh wa kattu katni ki waheh yong ka chnong, wei da yoh leh ya i klam e khublei na u Waheh Chnong u L. Pyrtuh deiwa pynsñiaw yei sñiawngooh sñiawburom ya uni u MDC wot lada man u kam uwa mihkhmat wa em ha i bor wa khian, da leh u yei kaam wa khroo wei wa bha tam ya ki paaid chong chnong, kamtea neiliang ka Dorbar Chnong waroh kawi da kitbok kit rwiang ko ya uni u MDC wow yoh u ya i doh i phaad wa chait wa khiah khnang u ye chooh chooh u chakri rap bha cha ki paaid yong ka Constituency waroh kawi.
Discussion about this post