Ka Balang Presbyterian Dienshalalu da pynsñiaw ko yei sñiawngooh ya u MDC ka thaaiñ u Dr. Sankey Shangpung wa da e yarap u cha ka Balang da ka Generator heijooh i por da e u leh cha ka Dorbar Chnong da ki chuki 50 tylli.
Neiliang u Waheh Chnong leh da e khublei wei kitbok kitrwiang u ya u MDC wow yoh u ya i doh i pran wa chait wa nang, wa u Blai u emlang u wa oo chirup yow nang ye u wow pteiñ ya ki kaam chakri ya ka Constituency waroh kawi.
U Tbn. B. Rymbai nyngkong da pynsñiaw u yei sñiawngooh wa khroo ya u Blai Tre Kirot heijooh i por leh da pdiang sñiawbha u ya kini ki tiar ki wa e yarap u MDC cha ka Balang wei cha ka chnong. U Tbn. B Rymbai da e u leh yaki kyntien kitbok kitrwiang ya u MDC wow nang ye chooh chooh u leh bha ya ki chnong ki thaw kiwa oo pait u hapoh ka Constituency yong oo.
Kani toh ka wyrta na u Waheh Chnong u Mewan Dkhar wa na ka Balang lyngba u Jamroy Rymbai, Finance Secretary Balang.
