Jowai: Ka Jaiñtia Students’ Movement (JSM) dei mynsien wa sñiawkhia da e ko i sñiawngooh wa khroo ya ki paidbah wa kynthup nadooh ki Waheh Chnong ki Secretary Chnong, ki khynnah skur wa kiwa sikai wa khamtam leh ya ki seiñbhalang wa kynthup nadooh ka JSU, JYF, AJYWO, RJFY, HANM, AJSU, KJNU, JNC, EJNC, AJPM, AJHSWO wa ka FAJP neibynta i ya ksohkti lang wow chimbynta ha ka yalang wow dawa Government College hapoh East Jaiñtia Hills kawa da pynman ha ka 27 Naitung ha ka chnong Wapungskur.
Da e khublei leh ya ka Tia Chaphrang Hr. Secondary School Sohkymphor wa da e kyrchaan pura deiwa phah ya ka chithi wow e kyrchaan.
Ka JSM da ong ko wa ka hi kam ka seiñ ymye de ko wow sukylliang yeiwa da leh bha ki tangwa iwa da sñiawthooh wa waroh hi kwah ki u kyntu kynrong ya i stat i tip hapoh ka ri loom Jaiñtia khamtam hapoh East Jaiñtia heiwa i stat i tip em i du kamwa 5 % donhi.
Ka seiñ da sñiawngoh ko leh ya u MLA ka 6 Khliehriat Constituency uwa man leh kam u montri sorkar u Kyrmen Shylla uwa dei mynsien chynrang da wan u cha kani ka yalang.
Neiliang u Kyrmen da kyntu u ya kiwa em ha ka yalang wow wyrchaw ya i yaphær hapyrdi ka Govt. College wa ka Community College neibhah ka sorkar jylla em ko i thmu wow wanrah ya ka Community College.
Kamtæ ka seiñ da kyntu ko ya ka sorkar wow kular wow booh hi da ka Governtment College hapoh East Jaiñtia Hills.
Discussion about this post