Ka Jaiñtia Tribal Traders’ Associations (JTTA) ka seiñ kiwa khayi hapoh Ri-loom Jaiñtia dap ko dei mynsien wa sñiawngooh ya ka Seiñraij Jowai, heiwa da maap ko ya ka bai wai, bai khyndaw kamwa ar bnai neibynta kiwa chongdai, chong dukan ha ki thaw yong ka, katwa kamtæ ka seiñ booh ko ya i kyntu ya kiwi tawan kiwa e yung wai, e wai dukan lada man ki yong samen lane ki yong balang ha waroh ka ri Jaiñtia wow sñiawbha phi u yinsur mynsien kam ha kini ki por wa eh wa khoo, khamtam ki pli kiwa khayi najrong wym yoh ki u lai khih lai khan, sa ka bai yung, bai dukan duk ki pli u su, da man ko i dooh wa ar chah.
Kamwa pynkynmoo ynnin u snem 2020 ka Seiñraij Jowai da maap ko ya ka bai wai bai khyndaw, chooh choh kawi ka yung em dukan (Commercial Building) ka Lyngdoh Complex da maap ko chi bnai ya ka bai dukan, boi dang em hi leh ki bru samen lane kiwi tawan ki balang kiwa maap ya ka bai yung, bai dukan kiwa ka seiñ ym em u tip ko.
Kamtæ ka seiñ da ong ko wa chim wa lyngba kani ka khubor e khublei kyrpang ya phi yei sbun wei yinsur mynsien phi, e wa u Blai Trekirot najrong u theh u i kyrkhu khyrdoh i manbha man miat ha waroh ki liang.
Yooluti dei bor yong u Blai kynrad wa kani ka khlam ka dait u phet u wiar, yow yoh u wan u im kamwa jooh im khlem i tieñ i smiej khlem i sorsa yow yoh wan i u khih u khan dei miat dei bha.
Ka kyrwoh na u Iatha Najiar, President JTTA.
