Jowai: Ka 22 tarik uni u bnai man ko ka sngi ka wow sah kynmoo ka wow sah khana parom pateiñ neibhah wa da pynman ya ka lai paidbah wa ka yalang paidbah da ka Khasi Authors’ Society (KAS) hajrong i dawa na ki bor sorkar jylla wa sorkar pyrdi wow pynpsiah ya ka ktien Khasi ha ka Riti Synchaar ka ri.
Ka KAS da kwah ko wow e khublei ya waroh kiwa da kyrchaan ya ka wow pynman ya kani ka sngi kawa jop.
Ha kani ka sngi da yoh yei klam na u Dr. D. R. L. Nonglait, President KAS, Dr. K. D. Ramsiej, Vice President KAS, Samuel Jyrwa, Chairman NESO, Prof A. Kharmalki, HOD Khasi Department NEHU, Dr. P. Nongtdu, Principal Jaiñtia Eastern College Khliehriat, Dr. S. L. Marbaniang, Rtd. Professor NEHU, Dr. B. R. Kharlukhi, Former Principal UCC, Dr. Solony Bareh, wa kiwi kiwi.
Da pynphooh ya kani ka sngi da ki khynnah ka Lady Keane College, Shillong, Thomas Jones Synod College,Jowai, ka dhab phawar yong u Banniewkor L. Nongbri wa u Baladonbok Kharkamni.
Da e khublei ko ya ki paidbah kiwa da e kyrchaan ya ka, nadooh kiwa kitkaam chnong, ki seiñbhalang, ki seiñ niam, ki seiñ saiñ pyrthai, ki bru wa chemphang, wa kiwi kiwi.
Ka KAS, da sñiawngooh ko leh ya ka yung krehkaam u Deputy Commissioner, East Khasi Hills, ka Dorbar Shnong Laitumkhrah neibynta ka Madan Ïewrynghep wa ka Dorbar Shnong Malki neibynta ka Madan Malki heiwa da pynman ya ka yalang.
Da e khublei leh ya ka yungkrehkaam u Superintendent of Police (East Khasi Hills, Shillong City wa Traffic) kiwa da yarap wow phah pulit wow pynlai bait ya kani ka kaam, u District Medical Health Officer, East Khasi Hills uwa da phah ya ki nurse, wa ki dawai, wa kiwi kiwi.
Discussion about this post